SERRÛPEL GOTAR RASTERAST PIRTÛK TEKILÎ DOSYA VIDEO

PYD û YPGa bi vî rengî êdî malwêrankirina kurd e!

ypgWek tê zanîn, ji roja roj de min her tim piştgîriya PYD û YPGê kiriye. Çima? Ji ber ku li gora têgihiştina min heger, li Binxetê PYD û YPG tunebaya, îro wê li holê eser ji xelkê kurd bi kurdî nemaba. Û ji wê bi wir de tir heta namûsa kurd wê bihata pênc pereyan û kurd bûbana jinên her tajî û kûçikî!  Û zemên jî şanî me da ku ez di lênerîna xwe de rast bûm.

Îcar îro çima ez nema bi PYD û YPGê re me?

Yek:. PYD û YPG ne rêxistinên kurdî û kurdan e.  Û li Sûriyê jî doza kurdan bi wan maye.  Rêxistinên ku ne kurd û kurdî bin ti carî wê nikaribin miletê kurd derxînin ronahiyê. PYD û YPG heta ku tîpa (K) bi xwe ve nezeliqînin û zimanê xwe ê fermî nekin kurdî, ne kurd in; û ji îro pê ve jî hebûna wan a bi vî rengî ji malwêrankirina kurdan pê ve wê bi kêrî tiştekî din neyê!

Dudu: Tarîxê li başûrê Kurdistanê careke din peyitand ku heger sereketiya kurd di hemû waran de yekgirtî nebe, wê ti carî nikaribe sênga gewr û boz bibîne û bi şeqên Kurdistanê re têkeve gevzekê!

Li başûrê welêt parlamento, rêxistinên civakî, hêzên eskerî û hwd. hemû hebûn, û hemû jî bi kurdî bûn. Û bi ser de jî hemû xwedî çek û cebilxane û hevalbendên nav dewletî bûn. Îcar ji ber ku hêzên wan ji yek destî, bi yek reng û yek dengî îdare nedibûn, di şevekê de mala hemiyan xerab bû û bi ax û wax û keseran li aziyê rûniştin!
Didome >>>> »

Nûçe

Di civîna bajarê Soçiyê de kurdan qezenc kir!

erdogan_putin_esad_ruhaniLi gora min, tirkan hîn ji du-sê sal berê de gava emerîkiyan şerê Sûriyê sipartin rûsan û xwe li dor PYDê dan hev, li Sûriyê winda kiribûn.  Emerîkiyan û rûsan bi haweyê vê beyana ku îro Pûtîn li bajarê Soçiyê pêşkêşî rojnamegeran kir, li ser kurdan û pêşeroja Sûriyê li hev kiribûn.

Bi kurtî, di beyana Pûtîn de li Sûriyê hilbijartin, li Sûriyê û dinyayê civîn çêdibin û kurd jî wê bi nasnameya xwe beşdarî hilbijartin û civînan bibin.

Îcar li himberî civînên ku wê PYD û YPG beşdar bibin, serokkomarê Tirkiyê jî yekser;

”em nakevin civînên ku PYD û YPG tê de bin” got, qûna xwe li avê xist û ji cihê xwe bi wê navê de pengizî!

 

Nûçe

Serkêş binbar û berpirsyarê tarîxê ne!

kakaiTarîx zanistek e ku sirûştê, reş û ronahiya zemên û deng û rengê liv û bizavê hemî dide ber xwe û rave dike. Ew ne bi tenê cih û wextê bûyeran û encamên wan, di heman wextê de çiv û bez û sekna nakokiyên di navbera têkiliya pêşeroj û paşerojê jî de radixe ber çavan. Him ne bi tenê van jî, fenomenên ku bi hej û weşa çerxa civakê re kultur kil dikirin û bi wê kildanê re karekterên cur be cur dihatin holê jî bi me dide zanîn.
Didome >>>> »

Nûçe

Gewdeyekî mezin û seriyekî piçûk!

durŞerê sosyalîzmê qet û qet bi gundiyan ne dibû û PKKê jî bîst salekî ew şer bi gundiyan kir. Şerê neteweyetiyê bi tenê bi bajariyan ne dibû û temamê rêxistinên me ên sosyalîst jî bîst-sîh salekî ew şer bi bajariyan kirin. Îcar di dawiya wê kirina me de, tîp û tertîp û bertîpekî wilo xerabe ji me û xelkê me ê bakurê welêt derket ku mirov êdî şikê ji tevgera kurdayetî xwe jî dike. Em ketine dewreke wilo ku mirîşkên doh bûne qertel û qertelên doh jî bûne qaz. Ne fedîbûn, ne exlaq û ne jî edebeke civakî maye. Mehmetçîkên ku kurdan, jin wek namûsa xwe dizanîbûn û li ser wê namûsê bi dehan mêr ji hev dikuştin, li her derê welêt zikê wê namûsê talan kiriye û kurd jî hêkan sor dikin. Em şeqlovîskî bûne. Çîqekî me bûye xiyanet, çiqê me ê din bûye esalet û em li ser herdu çîqan wek turlî ha ji vî hewdî, ha ji wî cirnî û ha ji wê golê vedixwin! Em bi polîs û komutanan re dost û bi walî û qeymeqaman re bûne heval û em ê Kurdistanê jî azad bikin! Na xwe ev dijminên me kî ne? Teslîmiyet bûye liberxwedan û serxwebûn û azadî jî bûye xiyanet. Bikaranîna zimanê kurdî bûye ”îlkel kurd” û bikaranîna tirkî jî bûye ”modern kurd”  Navê Tirkiyê bûye ”dewleta me, welatê me” Ocalan û HADEPa wî, li ser navê kurdayetiyê kurd kirin tirk û ew yeka wan jî bû kubarî û marîfeta mirovahiyê!
Didome >>>> »

Nûçe

Di dawiyê de Emerîka tam bêminet kir û berê xwe da Efrînê!!

erdDi tarîxa dinyayê, yan jî di tarîxa Tirkiyê de bi qasî serokkomarê Tirkiyê Erdogan, di van çend salên dawiyê de bêwestan belkî ti serok dewletî ewqas gotinên çort bi Emerîka û welatên Ewrupayê nekirine û Emerîka û welatên Ewrupayê jî li himber wêqas çavsorî û bêrêziyê bi haweyê ne bi mino û ne bi te yo bêdeng nesekinîne!

Erdogan di civîna xwe a doh de li ber çavên temamê dinyayê berê xwe da Emerîkayê û bi dengekî bilind piştî ku got:

”Emerîkaya ku bi damezrandina DAÎŞê, Rohilata Navîn di xwînê de fetisand, vê carî jî rêxistineke wek PYDê barbar damezrand û berda nav çavên Tirkiyê. Em ê vê xiyaneta ku Emerîkayê bi me re kiriye ti carî qebûl nekin û li himber rawestin; em ê Efrînê ji vê rêxistina barbarane re nehêlin û bi hêzeke mezin têkevin wir!” û vê carê jî bi welatên Ewrupayê de pijiqî!

Îcar li gora min jî Erdogan wê bi hêzeke mezin bigire ser Efrînê. Bigire ser Efrînê dibêjim ji ber ku Erdogan her tim xwediyê gotina xwe bûye, tifa xwe nealastiye û bi her çi tiştê ku pê rabûbû kiriye, ewqas!

Nûçe

Ji kê re xêr be ji we re hey nexêr e!

erdogan-hamaneyMela û rîh sipiyên civatê li mendera axê rûniştîbûn û mêrikê bûblanî bi dengekî berz got:

”min şevê din xewnek dît!”

Tev li Mela hemiyan jê re gotin ”xêr be!”

Mêrik berê xwe da Mela û got:

”Mela ji kê re xêr be, ji te re hey nexêr e!”

Mêrik di xewna xwe de bazda bû ser Mela.

Îcar ji kê re xêr be wê ji melayên Îranê re hey nexêr be!

Ji roja ku melayên Îranê Kerkûk û derdora wê zeft kirine û heta roja îro, dan û stendinên şêwirmendên Barzanî û Natanyaho ji hev qut nebûne. Ji aliyekî ve Barzanî li hindurê welêt û ji aliyê din ve jî Natanyaho li Emerîka û Ewrupayê di keft û lepteke mezin de ne. Natanyaho bi lobiyên cihûyan lobiyên ingilîzan bi qasî ku emerîkî rasterast bi desthilatdarên başûrê welêt re rûnin û alîkariya darayî û sîleh û cebilxaneyan bi wan re bikin, fik kirin.

Îcar piştî vê dîplomasiya mezin û tevgera Barzanî a bêwestan wê şerekî qut î girover li dar bikeve û di hingameya şer de dewleta kurdî damezire. Niha ewqas.

Nûçe

Nêçîrvan Barzanî, erdhej û destxweşiya wî ya li tirkan!

 

barzaniBi erdheja ku bi destê Xwedayê misilmên, yanî xwedayê tirk, ereb, faris û kurdên misilman li Kurdistanê rû da, dewleta tirkan a herî yekem bû ku alîkarî bi kurdên malwêrankirî re kir. Îcar pêşî divê ez bibêjim ku tiştek bi qasî eva ku mala mirov bi ser mirov de xerab bibe, hin ji kuflet bimrin, hin birîndar bibin û temamê mêl binax bibe zortir tuneye! Eha tam di vir de, tirkan jî bi zêdeyî 50 tirî yekser destê xwe dirêjî kurdên başûrê welêt kirine û xwestine birînên wan ên ku Xwedayê misilmên petrola wan teslîmî tirk, ereb û farisan kiribû û tirkan, ereb û farisan jî bi kişandina petrolê binê Kurdistanê ha ha vala dikirin û di dawiyê de jî Kurdistan bi ser dojehê de kumişand, piçekî derman bikin. Îcar çi zir çewtî di vê de heye ku mirov vê alîkariyê ji dest tirkan negire û mirov wek serokwezîrê başûrê Kurdistanê sipasî wan meke, hi?
Didome >>>> »

Nûçe

Ev pîberê neyaran jî dibêje ku..!

yilanPiştî pîber Riza Altunê endamê Konseya Nûkeran KCKê, vê carê jî pîber, yanî peyayê neyaran, yanî cehş Mirad Karayilan di televizyona Newrozê de bi zimanekî pir dirêj û bi ax û wax nerazîbûna xwe a ku PDKa başûr û PDKa rohilatê welêt û hevalbendên wan li dijî deshilatdariya Mela minafiqên Îranê di liv û tevgereke kurdane de ne got:

”Partiyên kurdan pir xerab dikin ku li dijî desthilatên Îranê bi dijminahî tevdigerin!”

Ev kûçik bi çîretên gevftxwir pê de diçe: ”Dev ji vê dijminahiyê berdiin! Çekan biavêjin û bi haweyekî bêhnfireh xebata xwe a kulturî bikin…!”

Xwefiroşê me Karayilan biland û tewirand: ”Ev şer û pevçûna we a ku hûn bi desthilatdariya Îranê re dikin bi tenê hew bi kêrî Tirkiyê û Siûdîerebitan û her wekî din tê”

´Îcar ez wek dînê xwe dizanim ku di demeke nêzîk de wê ev xwefiroşî ji we endamên Konseya Nûkeran re nemîne û hew!

 

Nûçe

Li parlamentoya bi ALLAHÛEKBER li demokrasiyê û doza kurdî digerin!

irak-parlamentosunda-gundem-kurt-cumhurbaskani-masumDivê êdî em hev du nexapînin. Li parlamentoya Iraqa ku bi ALLAH, BISMILLAH, LAÎLAHEÎLLELLAH, NEÛZÛBILLAH  Û NALETULLAHan vedibe û têgirtin demokrasî  qaçax û doza kurd jî zir qaçax e! Tiştek bi qasî Allahûekberan ku dijminê demokrasiyê ye tuneye û deshilattdarên me ên başûrê welêt jî, û bi taybetî jî, Fazil Mîranî, Nêçîrvan Barzanî, Pavel û Hêro Xan Talabanî, zend û bend vemalandine ku bi rêya demokrasiyê doza miletê kurd safî bikin. Tew tew, Fatê were dawetê!
Didome >>>> »

Nûçe

Vî alimê Islamê jî fitwa ku bav bikaribe bi keça xwe re bizewice daye!!

ImamPêşî divê ez bibêjim ku bila gur û beraz têkevin mala mirov û Islam nekeve mala mirov!

Erê, alimên unîversîtên dinyayê lê dixebitin bê ka insan wê çawa karibe xwe bigihîne dawiya kayinatê û insên çiqasî karibin bikin insan, û alimmên unîversîteyên Islamê jî hîn bi dû qûna bê insan di hindurê zik re çiqasî kare xwe bigihîne bin zik daketine!

Îcar di vê guherê de zir alimê zir unîversîteya El Ezher ya Misrê Mazen El Sersawî El jehr û El quzelqurt, di mezhebê şaviiyan de bi ser vebûye ku pêxember li ser navê Xwedê zewaca keça ku bavê wê dêya wê mehr nekiriye û çêbûye helal kiriye. Bi zarekî din, yanî ji bo ku mêrên misilman baznedin ser keçên xwe, sedî sed divê jinên xwe mehr bikin,  Îcar hema bêjin yasitar, Xwedê pêşî min, dû re we xwendevanên min, dû re miletê kurd û dû re jî mirovahiyê ji vê bêexlaqiya Islama wilo bisitirîne û hew!

 

Nûçe