SERRÛPEL GOTAR RASTERAST PIRTÛK TEKILÎ DOSYA VIDEO

Zimanê me jî wek doza me tirovirî kirin!

Van rêxistinên me ên kurdo-tirk, malperên wan ên ji zimanê rût û zelût û televizyonên wan ên ku ji kesên pivikî pêk tên, hemas hema tiştekî bi kurdî di hevoksaziya kurmanciya me de nehiştin! Kurmanciya me li gora mantiqê tirkî û hevoksaziya wê ha ha bi bi kar tînin. Heger wilo biçe, di demeke nêzîk de wê zimanê me bibe wek ê dînazor û zerzûlan! Ji xwe nîvê wî bûye jî!

Ku dibêjin ”vekirina kurdî!” Ma kurdî jineke ku kirasê xwe, newqa xwe ji we re veke hi?
Tirkan gotine”Kurd açılımı” û ên me jî bêyî ku li mantiqê gotinê û hevoksaziya wê a bi kurdî bifikirin, bi def û zirneyê beziyane! Zimanê me ji gotin û hevokên wilo xerabe tije kirine! Digel ku tiştekî me û tirkan ne wek hev û ne jî li ser bingehekî ye, her tiştê me û wan kirine wek hev. Kurd û tirk di gelek waran de ne wek hev in.

Mesele: Li ba tirkan tir ne eyb e; û li ba kurdan jî ji tirê eybtir tiştek tuneye. Ê baş e, hûn çima me dikin wek hev? Tirk ji her tiştî re dibêjin koyarim, sîkerim; û kurd jî li ser sîkerim û koyarim hevdu dikujin. Tirk kerxanê û mizgeftan li ba hev ava dikin; û li ba kurdan jî kes hîn nikare behsa kerxaneyê bike! Nimûne pir in, lê ez bahwer dikim we ji a ku min dixwezt ez ji we re bibêjim fêhm kir. Ê baş e, hûn çima kurdan û tirkan di kirasekî re derbas dikin û dibin ser delavekî?

Mirov ji ”Kurd açilimi” re nabêje ”vekirina kurdî”, dibêje “hewildana kurdî” Mantiqê hevoka ku tirk wek ”Kurd açılımı” bi kar tînin, ji “hewildana kurdî” pê ve ne tiştekî din e.

Îcar bi rastî jî divê pêşî mirov hinekî ji ber xwe fedî bike, xwe neke durvê zimanzanan û bi zimanoka xwe bi zimanê zir miletekî kevnare nelîze. Xwe pêşî hînî kurdî bikin. Bimre wilo kurdayetî, wilo ziman û wilo siyaset, ewqas!

 

 

 

 

Nûçe

Şirove bike

(pêwîste)

(pêwîste)