SERRÛPEL GOTAR RASTERAST PIRTÛK TEKILÎ DOSYA VIDEO

Googlê kir û PKKê hîn jî ne kiriye!

nixGotineke ku bi deh salan e dibêjim, mixabin di vê roja ku Googlê bi kiryara xwe a bê hempa  de zimanê kurdî li welatekî wek Tirkiyê ku xelkê wê ji roja roj de qesasê heta bî ker, pisîk, kûçik û çîçikên kurdan bû û temamê dinyayê fermî kir û rêxistinên kurdên bakurê welêt, û bi tayebetî jî PKKa ku bi qasî împeretoriyekê mezin bûye û bi siyaseta kuç û kolanan xwe bi qasî kêzikekê piçûk xistiye,  hîn jî ji ser û sekehên xwe fedî ne kirine û bi tif û girêza devê ”Aşkim, Sevdam, Isirbeni, Birtanem, Mulkiyem, Yavrum,”  dirêjî ser sifre û nav livînên me û xwe bûne û ha ha me digevizînin.

Ji aliyekî ve tirkan û ji aliyê din ve jî PKKê û temamê  rêxistinên bakurê welêt bi hemû haweyî a xwe li zimanê kurdî kirine yek û li hemû tiştên bi navê kurdayetiyê teng kirine!

Kurd tî û birçî û tazî ne. Li Binxetê zarok ji niyazan dimrin. Dê û bav birçî radizên. Li Serxetê her der tije parsek, bêjî, sêwî, seqet û nexweş bûne û yek jî bi kurdî nizane. Keç û jinên kurdan li welêt ji destê xizaniyê xwe bi tirkî difroşin. Qeprax, qewad, gewende, mantoşe, pêzeveng û pêxawsên tirkan hemû bûne kurd û hemû jî mîna siyasetgerên kurdan bi tirkî dipeyivin! Ziman bi lez û bez winda dibe!

Li Nisêbînê û Cizîrê, qamîşlokî û efrînî bi tirk bi botî, omerî û toriyan re dipeyivin! Botî, torî, omerî û tirkî, ha!! Navê vê eva ku mirov ji ber zimanê bav û kalên xwe fedî bike, bi piçûk û mezinan re bi tirkî bipeyive bêşexsiyetî, xwefiroşî û bêşerefî ye! Kurdê ku zarokên wî bi kurdî nizanibin dijminê riknê miletê kurd e. Aha xayinên herî mezin ew in! Gelo ji vê bêşereftir çi heye ku mirov wek kurd here Omeriya, Torê, Xerza, Botanê û hwd. û li ser gora dê û bavê xwe bi tirkî bigrî û berzûrî Xwedê bibe!!

Ziman biçe kultura kurdî jî bi carekê ve diçe. Kultur biçe, kurd diqedin û Kurdistana ku wê bi soriyan mabaya jî ji hilo radibe. Yanî êdî em ê li ser goristanan bi tirkî nifiran û duan bikin; em ê mîna bi deh hezaran keç û jinên serhedî, diyarbekirî û herwekî din çîrokên kurdî bi tirkî ji zarokan re bibêjin û wan bilorînin. Em ê terawîhan jî bi tirkî bikin. Yanî em ê bi tirkî bi Xwedê û resûlê wî re bipeyivin. Em ê bi tirkî xeberan ji hev re bidin, bi tirkî bazdin ser hev, bi qepera hev bigrin, xwe di hev werkin, bi haweyê tirkî bi vir û wir de belav bikin û di xwe de bidin. Û bi rengê tirkî li keran, bergîl û qantiran siwarên û serkulan bidin hev. Ya rebî tu çêkî. Lê çêkirina çi, ew jî ji wan e. ”Ew hemû qedera kurda ye!” Û afirînerê qederê jî ya Reb bi xwe misilman e! Îcar wê çawa çêke, hi!

 

Nûçe

Şirove bike

(pêwîste)

(pêwîste)